రాత్రి భయానక వాతావరణం మరియు ఎర్ర రుమాలు యొక్క భయంకరమైన రహస్యం - (భాగం 3)| Telugu deyyam katha

1. మొదటి భయంకరమైన రాత్రి - గోడల మీద నడుస్తున్న అడుగుల చప్పుడు

రమణ ఆ ఫకీరు బాబా ఇచ్చిన ఆ మంత్రించిన నిమ్మకాయను తన పిడికిలిలో గట్టిగా పట్టుకొని. 

తన గదిలోని లైట్లన్నీ పూర్తిగా ఆపేసి, ఆ ఎర్రటి నిమ్మకాయను తన తలగడ కింద పెట్టుకుని పడుకున్నాడు. 

అప్పటికే రాత్రి సుమారు 12 గంటలు దాటింది. బయట కటిక చీకటి మరియు భయంకరమైన నిశ్శబ్దం అలుముకుని ఉంది.

 కానీ గది లోపలి వాతావరణం మాత్రం క్షణక్షణం ఎంతో భయానకంగా మారి పోతూ అదోల ఉంది. 

రమణ గుండె చప్పుడు బాగా పెరుగుతూ, ఆ అర్ధరాత్రి నిశ్శబ్దంలో తన గుండె కొట్టుకుంటున్న శబ్దం తనకే స్పష్టంగా వినిపిస్తోంది. 

అకస్మాత్తుగా గదిలో తనతో పాటు ఇంకా ఎవరో ఉన్నారనే భావన అతనికి కలగసాగింది.

రాత్రి ఒంటి గంట దాటేసరికి గోడ వెనుక నుండి ఎవరో మాట్లాడుతున్నట్లు అలజడి. 

ఆ తర్వాత గోడల మీద, పైకప్పు మీద ఎవరో తలకిందులుగా నడుస్తున్నట్లు  అడుగుల చప్పుడు మొదలైంది—ఛప్... ఛప్... ఛప్! సరిగ్గా బల్లి పైకప్పు మీద పాకుతున్నట్లుగా ఆ శబ్దాలు వినిపించ సాగాయి. 

హఠాత్తుగా రమణ చెవుల దగ్గర ఎవరో చల్లటి శ్వాస వదులుతున్నట్లు , మరియు ఒక భయంకరమైన గుసగుస వినిపించింది— "ఆ నిమ్మకాయను పారేయ్... దాన్ని బయట పారేయ్, లేకపోతే నిన్ను ఇక్కడే, ఈ క్షణమే లాగేసుకుంటాను!"

అటు ముప్పాళ్ళపాడులో ఉన్న ఆదాము పరిస్థితి కూడా సరిగ్గా ఇలాగే ఉంది. అతడు కూడా ఇదే భయంకరమైన వాతావరణాన్ని, ఆ అదృశ్య శక్తి ఇస్తున్న బెదిరింపులను ఎదుర్కొంటున్నాడు. కానీ ఫకీరు బాబా ఎంతటి భయంకరమైన పరిస్థితి ఎదురైనా భయపడవద్దని కఠినంగా హెచ్చరించాడు. అందుకనే ఇద్దరూ తమ పూర్తి ధైర్యాన్ని కూడగట్టుకుని, ప్రతి అలికిడిని, శబ్దాన్ని విస్మరిస్తూ, కళ్లు మూసుకుని ఆ నిమ్మకాయను తలగడ కిందే ఉంచి భరిస్తున్నారు. 

ఎలాగోలా ఆ వెన్నుపోటు పుట్టించే రాత్రి గడిచింది. ఉదయం లేవగానే ఇద్దరూ ఊపిరి పీల్చుకుని, ఆ మంత్రించిన నిమ్మకాయను తమ నడుముకు ఉన్న నల్ల దారానికి గట్టిగా కట్టుకున్నారు.

2. ఫకీరు బాబా కొత్త ఆదేశం - ఒకే గదిలో రెండవ రాత్రికి ఏర్పాట్లు

ఉదయం కాగానే రమణ, ఆదాము ఇద్దరూ ఏమాత్రం సమయం వృధా చేయకుండా నేరుగా ఆ నిమ్మకాయలు ఇచ్చిన ఫకీరు బాబా దగ్గరకు వెళ్లారు. 

ఇద్దరి ముఖాల్లో గత రాత్రి అనుభవించిన భయం, కళ్లలో నిద్రలేమి స్పష్టంగా కనిపిస్తున్నాయి. వారు ఫకీరు బాబాకు రాత్రి జరిగిన భయంకరమైన సంఘటనలన్నీ, పైకప్పు మీద నడిచిన శబ్దాలు మరియు ఆ గుసగుస బెదిరింపుల గురించి వివరించి చెప్పారు.

వారన్న మాటలన్నీ శ్రద్ధగా విన్న తర్వాత ఫకీరు బాబా గంభీరంగా ఇలా అన్నాడు, "సరే, నేను ఊహించిన దానికంటే ఈ దెయ్యం లేదా దుష్టశక్తి చాలా మొండిది.

 ఈ రాత్రి కూడా మీరు మళ్లీ ఇదే విధంగా చేయాలి. కానీ ఈసారి ఒక మార్పు ఉంటుంది—ఇంట్లో ఉన్న కుటుంబ సభ్యులందరినీ వేరే ఇంటికి పంపించేయండి. ఆ ఇంట్లో మీ ఇద్దరు తప్ప వేరే ఏ మనిషీ ఉండకూడదు."

ఈ మాట వినగానే రమణ గుండె ఆగిపోయినంత పనైంది, అతని మనసులో భయం మరింతగా పెరిగిపోయి. 

అతడు భయపడుతూ, "బాబా, మేము ఇది చేయలేము విడి విడిగా ఈ పని చేయలేము  ఏమో. .. 

 ఉంటూ ఆ భయంకరమైన శక్తిని ఒంటరిగా ఎలా ఎదుర్కోగలం?" అన్నాడు.

 ఫకీరు వారికి ధైర్యం చెబుతూ, "లేదు, ఈసారి మీరిద్దరూ విడివిడిగా ఉండాల్సిన అవసరం ఏమి లేదు.

 మీరిద్దరూ ఒకే ఇంట్లో, ఒకే గదిలో ఉండండి. కానీ ఇద్దరూ తమ తమ తలగడల కింద ఆ నిమ్మకాయను పెట్టుకుని పడుకోవాలి" అని చెప్పాడు.

 బాబా మాట విని రమణ మరియు ఆదాము రామగోళపురంలో ఉన్న రమణ ఇంట్లోనే పడుకోవడానికి  ఒప్పుకొని. 

భద్రత కోసం వారు కుటుంబ సభ్యులను కొత్త ఇల్లు నిర్మిస్తున్న ప్రదేశానికి పంపించేశారు.

3. అర్ధరాత్రి భయం - ఛాతీ మీద కూర్చున్న ఎర్ర చీర కట్టుకున్న దెయ్యం

రాత్రి బాగా గాఢంగా మారింది. ఆ నిర్మానుష్యమైన, ఏకాంతంగా ఉన్న ఇంట్లో ఇప్పుడు రమణ, ఆదాము మాత్రమే . 

వాళ్ళు ఒకే గదిలో తమ తమ స్థానాల్లో పడుకున్నారు ఫకీరు చెప్పినట్లుగా ఇద్దరూ నిమ్మకాయను తమ దిండు కింద జాగ్రత్తగా పెట్టుకున్నారు.

గోడ గడియారంలో రాత్రి సరిగ్గా 12 గంటలు కొట్టగానే... గదిలోని వాతావరణం అకస్మాత్తుగా మంచులా అతి చల్లగా మారిపోయింది.

అంతలోనే కనురెప్ప మూసి తెరిచే లోపు ఆ రోజు దారిలో రమణను లిఫ్ట్ అడిగిన అదే ఎర్ర చీర కట్టుకున్న మహిళ, ఆ చీకటిని చీల్చుకుంటూ అకస్మాత్తుగా అక్కడికి వచ్చి రమణ మరియు ఆదాము ఇద్దరి యెద్దలపైన పైన కూర్చుంది!

ఆమె బరువు ఒక పెద్ద బండరాయిలాగా గట్టిగా ఉంది. వాళ్ళిద్దరూ ఊపిరి ఆడక గిలగిల కొట్టుకోవడం స్టార్ట్ చేశారు, వారి శ్వాస ఆగుతున్నట్టు అనిపించింది.

ఒకేసారి ఇద్దరినీ కాజేయడానికి సిద్ధమైన ఈ శక్తి ఏంటో వాళ్లకు అర్థం కాలేదు.

ఎలాగోలా వాళ్ళు తమ పూర్తి బలాన్ని అమర్చుకుని, రొప్పుతూ ఒక్క ఉదుటున లేచి కూర్చున్నారు. 

లేవగానే ఆ గదిలో అత్యంత వింతైన, కుళ్ళిన వాసన లాంటి బీభత్సమైన దుర్వాసన రావడం వాళ్ళు ఇద్దరు గమనించారు.

భయంతో వణుకుతున్న చేతులతో వెంటనే ఫకీరు బాబాకు ఫోన్ చేసి, అప్పటి పరిస్థితిని వివరంగా వివరించారు. ఫోన్‌లోనే బాబా కఠినమైన స్వరంతో ఇలా ఆదేశించాడు, "భయపడకండి! ఇప్పుడు సమయం ఆసన్నమైంది. అసలు దానికి ఏం కావాలో సూటిగా అడగండి. దానిని ఎదిరించి నిలదీయండి!"

4. ఎర్ర రుమాలు రహస్యం మరియు ఆత్మ విధించిన భయంకరమైన షరతు

ఫకీరు బాబా ఇచ్చిన ధైర్యంతో రమణ మరియు ఆదాము తమను తాము సరిచేసుకున్నారు.

ఆ వింత వాసన వస్తున్న గాలి వైపు చూస్తూ వాళ్ళిద్దరూ తమ పూర్తి శక్తితో గట్టిగా అరిచారు, "ఎవరు నువ్వు? నీకు దమ్ముంటే మా ముందుకు రా! అసలు నీకు మా నుండి ఏం కావాలో చెప్పు!"

వాళ్ళు అలా గట్టిగా అరిచిన వెంటనే, గది మధ్యలో ఆ ఎర్ర చీర కట్టుకున్న మహిళ తన అత్యంత వికారమైన రూపంలో వారి ముందుకు వచ్చి. 

ఆమె చాలా వింతగా, వికారంగా నిలబడి వారిద్దరినీ చూస్తూ పెద్ద పెద్దగా భయంకరమైన స్వరంతో నవ్వడం మొదలుపెట్టింది. 

ఆమె నవ్వుకు ఆ గది కిటికీలు సైతం వణకడం ప్రారంభించాయి.

నవ్వుతూనే తన ఘగోరమైన గొంతుతో ఇలా అంది, "గుర్తు తెచ్చుకోండి... ఆ ఎర్ర రంగు రుమాలును మీరెందుకు తొక్కారు? రమణా, నువ్వు ఆ ఎర్ర రుమాలు మీద కాలు వేశావు, దానిని తొక్కి, కనీసం పట్టించుకోకుండా అలాగే ముందుకు వెళ్లిపోయావు! మరియు ఆదాము... నా కాలకింద నలిగిన రుమాలు బారిన పడి వీడు నీ దగ్గరకు వస్తే, నువ్వు వీడికి ఎందుకు వైద్యం చేశావు? ఒకవేళ ఆ ఎర్ర రుమాలు స్థానంలో నేనే రోడ్డు మీద పడి ఉంటే, నన్ను కూడా మీరిద్దరూ ఇలాగే తొక్కుకుంటూ వెళ్లిపోయేవారా? మీరిద్దరూ చాలా పెద్ద తప్పు చేశారు, ఇదే విషయం నాకు అస్సలు నచ్చలేదు!"

ఈ మాటలు వినగానే రమణ, ఆదాముల కాళ్ల కింద భూమి కనిపించినంత పనైంది. 

ఇన్ని రోజులుగా జరుగుతున్న ఈ భయంకరమైన ఆటంతా ఆ సాధారణ ఎర్ర రుమాలు చుట్టూ అల్లుకున్నదే అని వాళ్లకు అర్థమైంది!

ఆ ఆత్మ తన నిప్పుల్లాంటి ఎర్రటి కళ్లతో వాళ్ళను తదేకంగా చూస్తూ తన భయంకరమైన షరతును విధించింది, "ఇప్పుడు మీరిద్దరూ ఆ రుమాలును తొక్కినందుకు ప్రాయశ్చిత్తం చేసుకుని తీరాల్సిందే. 

నా కోరిక తీర్చి, నన్ను సంతృప్తి పరిచి, నా ఆత్మకు శాశ్వతంగా విముక్తి కలిగించేంత వరకు నేను మీ ఇద్దరినీ వదిలిపెట్టను. మీరు అలా చేయనంత కాలం... నేను మీ ఇద్దరి వీపు మీదే సవారీ చేస్తూ ఉంటాను! మిమ్మల్ని ఏ పనీ చేయనివ్వను, అలాగని ప్రశాంతంగా విశ్రాంతి కూడా తీసుకోనివ్వను!"

ఆ గదిలో ఆ దెయ్యం వేసిన భయంకరమైన కేకలతో, రమణ మరియు ఆదాముల జీవితంలో అత్యంత భయానకమైన కొత్త అధ్యాయం మొదలైంది.

(కథ తదుపరి భాగం త్వరలో...)

© Copyright 2026 challagali Yesudas All Rights reserved