చింతామణి రాజ్యం మరియు యువరాజు దయావీర్ - భాగం 4 | telugu kathalu

భాగం 4 - సోదరి వేషంలో

అసూయ మరియు రాత్రి

ప్రయాణపు కుట్ర

1. పెళ్లి తర్వాత సంతోషం మరియు ఒక మనసులో రగులుతున్న అసూయ

రాకుమారుడు దయావీర్ మరియు రాకుమారి కుమారి పెళ్లి తర్వాత నలువైపులా సంతోషమే సంతోషం నెలకొంది.

 చింతామణి రాజ్యం, వైయ్యార్ రాజ్యం మరియు చుట్టుపక్కల ఉన్న పొరుగు దేశాలన్నీ పెద్ద సంబరాలు చేసుకుంటున్నాయి. రాజమహల్ లో డోలు, నగారాలు మోగుతున్నాయి, వీధుల్లో ప్రజలు నాట్యం చేస్తున్నారు. అందరి నోటా ఈ అందమైన జంట గురించే మాట.

కానీ ఈ సంతోషాల మధ్య ఒకే ఒక్క మనిషి  మనసులో మాత్రం ఈ కోలాహలం, ఈ నిశ్శబ్దపు సంతోషం భరించ లేనిదిగా మారింది. ఆమె మరెవరో కాదు, రాకుమారి కుమారి సొంత అక్క, పెద్ద కుమార్తె అయిన కామిని.

కుమారి జీవితాన్ని, ఆమెకు దక్కిన ప్రేమను, గౌరవాన్ని చూసి కామినికి రోజురోజుకూ అసూయ పెరిగిపోయింది. చెల్లెలు కావడంతో ఆమెకు రాజమహల్ కు రాకపోకలు ఎక్కువగా ఉండేవి. 

అక్క అనే చనువుతో ఆమె లోపలికి వచ్చేది, వెళ్లేది. దయావీర్ యొక్క ధైర్యాన్ని, అతని ప్రేమను, కుమారి పట్ల అతను చూపించే స్నేహపూర్వక ప్రవర్తనను చూసి కామిని మనసులో లోలోపల అతనిపై మోహం పెంచుకుంది.

ఆమె మనసులో ఇప్పుడు చెల్లెలి పట్ల ప్రేమ లేదు, కేవలం కపటం, మోసం, కుట్ర మాత్రమే నిండిపోయింది. ఏదో ఒక వంకతో, ఏదో ఒక పనిమీద రాకుమారుడికి దగ్గరవ్వాలని, అతనితో మాట్లాడాలని ప్రయత్నిస్తూనే ఉంది.

కానీ కుమారి ఎంత తెలివైనది, యుద్ధంలో ఎంత నిడరంగా పోరాడే ధైర్యవంతురాలు అయినా, తన అక్క ప్రేమలో మాత్రం గుడ్డిదైపోయింది.

 తన అక్కపై ఆమెకు అపారమైన నమ్మకం ఉంది. తన సొంత అక్కే తన సంతోషాన్ని చూసి అసూయ పడుతుందని, తన భర్తను దక్కించుకోవాలని చూస్తుందని ఆమె పన్నే పన్నాగాలు

కుమారి కలలో కూడా ఊహించలేదు. కుమారి తన అక్క ప్రేమలో ఎంత గుడ్డిగా మునిగి పోయింది అంటే ఆమె లోలోపల కపటం చేస్తున్న కూడా కుమారి కి ఊహాజనితం కాలేదు.

2. శుభవార్త సందేశం మరియు కామిని ఆడిన నాటకం

అంతా బాగా జరుగుతున్న సమయంలో, పరిస్థితులు చక్కబడ్డాయని అనుకుంటున్న సమయంలో కామిని ఒక పెద్ద కుట్ర పన్నింది.

రాకుమారి కుమారి తన పుట్టింటి రాజ్యం వైయ్యార్ కు ఒక శుభవార్త సందేశం పంపింది. ఆమె చాలా సంతోషంగా ఆ సందేశం రాయించింది. ఆ సందేశంలో ఇలా ఉంది -

"కామిని అక్కా, నువ్వు పెద్దమ్మ కాబోతున్నావు. త్వరగా రా."

కామిని ఈ మాట చదవగానే ఆమె గుండెల్లో పాము పాకినట్లైంది. తన చెల్లెలు తల్లి కాబోతుందని తెలిసి ఆమెకు లోలోపల భరించలేని అసూయ కలిగింది. కానీ పైకి మాత్రం వెంటనే సంతోషం నటించింది. ఆమె నటనలో ఎవరూ ఆమెను పట్టుకోలేరు.

వెంటనే పరిగెత్తుకుంటూ వస్తున్నట్లు నటిస్తూ, ఒక్క సైనికుడు కూడా లేకుండా, తాను ఒంటరిగా వస్తున్నానని తెలిసేలా, చేతిలో ఖరీదైన స్వీట్లు, శకునం, చీరలు తీసుకుని చింతామణి రాజ్యానికి ప్రవేశించింది.

మహల్ లోకి రాగానే గట్టిగా, అందరికీ వినిపించేలా అరిచింది -

కామిని: "శుభాకాంక్షలు బావగారు! శుభాకాంక్షలు నా చెల్లీ కుమారి! ఈరోజు రాజ్యమంతా పెద్ద సంబరం జరగాలి! ఇంత మంచి వార్త చెప్పావు!" నిజంగా కుమారి మరియు బావగారు ఈ శుభవార్త వినగానే నా హృదయం సంతోషం తో ఉల్లాసంగా ఉప్పొంగింది.

అంటూ తన చెల్లెలిని, రాకుమారుడు దయావీర్ ని ఇద్దరినీ గట్టిగా కౌగిలించుకుంది. ఆమె కౌగిలింతలో ప్రేమ కంటే కపటమే ఎక్కువగా ఉంది.

ఆ రాత్రి మహల్ లో పెద్ద సంబరం జరిగింది. సంతోషపు సందడి, సంగీతం రాజ్యమంతా మారుమోగింది. వంటశాలలో రకరకాల వంటకాలు వండారు.లడ్డులు తియ్యని రోలు ఊరించే సుహాసన తో మైమరిపించే రాజా భోగ వంటలు వండి సంబరాలు చేసారు.  

సంబరం ముగియగానే, అందరూ నిద్రకు వెళ్తున్న సమయంలో కామిని వెళ్ళిపోతానని చెప్పింది. ఆమె కావాలనే రాత్రి సమయాన్ని ఎంచుకుంది.

కుమారి ఆశ్చర్యంగా అంది, "ఇంత తొందరేముంది అక్కా? ఇప్పుడు రాత్రి అయింది. ఉదయం వెళ్లోచు లే అక్కా , భద్రంగా ఉంటుంది."

దానికి కామిని తప్పిస్తూ, తన ముందే సిద్ధం చేసుకున్న సమాధానం చెప్పింది -

కామిని: "లేదు చెల్లీ, నేను ఉదయం వెళ్లడం చాలా అవసరం. వేరే రాజ్యం నుండి సైన్యం కోసం ప్రత్యేకంగా తెప్పించిన మంచి పుట్టుక గల  గుర్రాలు వచ్చాయి. ఉదయం తెల్లవారగానే వాటిని పరీక్షించడానికి నేను అక్కడ ఉండాలి. అది రాజ్య కార్యం." కనుక వెళ్ళక తప్పదు చెల్లి నువ్వు ఏమనుకోకు దయచేసి నన్ను వెళ్ళనివ్వు.

3. కుమారి అమాయకపు నమ్మకం మరియు అడవి దారి ప్రణాళిక

ఈ మాట విని కుమారి కొంచెం ఆలోచించింది. తన అక్క రాజ్య కార్యం అంటుంటే కాదన లేకపోయింది. అందుకే ఇలా అంది -

కుమారి: "సరే అక్కా, వెళ్లడం అవసరమైతే సరే... కానీ ఇంత రాత్రి నిన్ను ఒంటరిగా పంపలేను. సైనికులతో పంపి బంధుత్వాన్ని అవమానించలేను. ఒక పని చేయి, నా భర్తనే నీతో పాటు తీసుకెళ్ళు. ఆయన చాలా ధైర్యవంతుడు. ఆయన నీతో ఉంటే నువ్వు క్షేమంగా చేరుకుంటావని నాకు నమ్మకం ఉంటుంది. దారిలో అడవి ఉంది, నీ ప్రాణానికి ప్రమాదం కూడా ఉండవచ్చు."

ఈ మాట వినగానే కామిని మనసులో లడ్డూలు పేలాయి, ఆమె కళ్ళు మెరిశాయి. తనకు తెలుసు ఇలాగే జరుగుతుందని, తన చెల్లెలి మంచి మనసు గురించి తనకు బాగా తెలుసు. అందుకే ఆమె కావాలనే ఒంటరిగా వచ్చింది. అందుకే గుర్రాల వంక చెప్పింది, ఆ దట్టమైన అడవి దారిలో రాత్రి సమయంలో రాకుమారుడితో ఒంటరిగా సమయం దొరకాలని, తన కోరిక తీర్చుకోవాలని.

కామిని కోరుకున్నట్లే జరిగింది. రాకుమారుడు దయావీర్ కొంత సైన్యాన్ని ముందు, కొంత సైన్యాన్ని వెనక ఉంచి, తినడానికి కొంత ఆహారం, మంచినీళ్లు తీసుకుని బయలుదేరాడు, ఎందుకంటే దారి ఒక రాత్రి, ఒక పగలు పడుతుంది. కనుక మధ్యలో ఆకలి అవ్వొచ్చు అడవిలో ఆహారం రాత్రి పూట దొరకడం కూడా కష్టమే అని ఆలోచనతో రజకుడు తగిన ఆహారం ఏర్పాటు చేసుకున్నాడు.

ఇద్దరూ ఒక బృందంలో ఉన్నారు. అది ఒక రాచ రథం, నాలుగు వైపులా అందమైన చెక్కతో, బంగారు పూతతో అలంకరించబడి ఉంది, లోపల ఇద్దరు కూర్చోవడానికి మెత్తటి గద్దె ఏర్పాటు ఉంది. 

గుర్రపు సవారీ చేసేవాడు ముందు కూర్చుని రథాన్ని నడుపుతున్నాడు, కానీ అతను లోపలికి తొంగి చూడలేడు. చుట్టూ తెరలు ఉన్నాయి. 

ఒక్క మాటలో చెప్పాలంటే ఆ రాచ రథంలో కామిని పక్కన, ఆమెకు చాలా దగ్గరగా కూర్చున్నాడు రాకుమారుడు దయావీర్.

ముందు వెనక సైన్యం నడుస్తుండగా, మధ్యలో రాకుమారుడి రథం, అందులో  కామిని, రాకుమారుడు కూర్చుని వైయ్యార్ వైపు బయలుదేరారు. చీకటి అడవిలోకి వారి ప్రయాణం మొదలైంది.

4. రాత్రి 8 గంటలకు ఒకే పళ్ళెంలో భోజనం - మొదలైన అసలు కుట్ర

రాజమహల్ నుండి బయలుదేరగానే రాత్రి 8 గంటలైంది. అడవి చీకటి పెరగడం మొదలైంది. కీచురాళ్ల శబ్దం, చల్లటి గాలి వీస్తోంది.

అప్పుడు రాకుమారుడు కామినితో మర్యాదగా అన్నాడు -

దయావీర్: "కామిని గారు, కొంచెం తినండి. దారి చాలా పొడవు ఉంది, అర్ధరాత్రి తినడం మంచిది కాదు. ఆ సమయానికి మనం అడవి మధ్యలో, దట్టమైన ప్రాంతంలో ఉంటా మేమో. ఇప్పుడే తినేయండి." ఈ సమయం ఆహారం తినడానికి సరైనది.

కామిని రాకుమారుడి కళ్ళలోకి మోహంతో, ఒక వింత చూపుతో చూసి, ఏమీ మాట్లాడకుండా రాకుమారుడి పళ్ళెంలో నుండే కొంచెం తినడం మొదలుపెట్టింది. ఆమె కావాలనే అలా చేసింది.

ఇంటి అతిథి, అందులోనూ తన భార్య అక్క కావడంతో రాకుమారుడు "వేరే పళ్ళెంలో తినండి" అని చెప్పడం అవమానంగా భావించి ఊరుకున్నాడు. అతని మనసులో ఏమీ లేదు.

కొంచెం మాట్లాడుకుంటూ ఇద్దరూ భోజనం చేశారు. రథం కదులుతూనే ఉంది.

దయావీర్:  "వైయ్యార్ లో కొత్తగా తెచ్చిన గుర్రాలు చాలా వేగంగా పరిగెడతాయని విన్నాను, యుద్ధానికి చాలా ఉపయోగ పడతాయట."

కామిని: (చిన్నగా నవ్వుతూ, దయావీర్ భుజానికి తగులుతూ) "మీరు వచ్చి నడిపితే తెలుస్తుంది బావగారు... అయినా మీతో ఈ ప్రయాణం... ఈ ఒంటరి ప్రయాణం చాలా బాగుంది. ఇలాంటి అవకాశం మళ్ళీ రాదు కదా."

ఆ మాటలో ఏదో తేడా ఉందని దయావీర్ కు అనిపించినా, అతను పట్టించుకోలేదు.

ఇలా చిన్న చిన్న మాటలు మాట్లాడుకుంటూ ఇద్దరూ మిగిలిన ప్రయాణం మొదలుపెట్టారు. ముందు దట్టమైన అడవి ఉంది, పైన నల్లటి రాత్రి ఉంది, ఆ రథంలో ఇద్దరు ఉన్నారు - ఒకరు ధర్మానికి, తన భార్యకు కట్టుబడిన రాకుమారుడు, మరొకరు కపటంతో, అసూయతో నిండిన కామిని.

ఇక ముందు ఏం జరుగుతుంది? కామిని తన వలలో రాకుమారుడిని వేయగలదా? లేక ఈ అడవి రాత్రి మరో భయంకరమైన మలుపు తిరుగుతుందా?

తెలుసుకోవడానికి భాగం 5 కోసం వేచి ఉండండి.

ఈ కథ 3 భాగాలు వరసగా లింక్స్ ఇక్కడ ఇస్తున్నాను మిగతా భాగాలు click చేసి చదవండి

భాగం 1 goog_1267903719

భాగం 2

భాగం 3goog_1267903723

© Copyright challagali Yesudas All Rights reserved ఈ కథని నా మేధో శక్తి ద్వారా ఊహించి రాశాను కనుక ఈ కథను  DMCA ప్రకారంగా దొంగలించ రాదు