మిథున: ద జంగిల్ వే (Mithuna: The Jungle Way) — Part 3

 డిస్క్లైమర్ (Disclaimer):
📢 ఈ కథ పూర్తిగా ఊహాజనితం. ఇది ఏ వ్యక్తిని, కులాన్ని, మతాన్ని, సమాజాన్ని లేదా చట్టాన్ని కించపరిచే ఉద్దేశంతో రాయబడలేదు. కేవలం సామాజిక స్పృహ మరియు వినోదం కోసం మాత్రమే రాయబడింది.

1. మోటుపల్లిలో కొత్త మలుపు - అడవిలో ఘోరకలి

ఎమ్మెల్యే తివారీ చేతిలో ఊరి పెద్ద మనిషి (సర్పంచ్) ఘోరంగా అవమానపడ్డాడనే పూర్తి విషయం మిథున దాకా చేరినప్పుడు, ఆమె సహనానికి హద్దులు దాటాయి. నగరంలో కూర్చుని తమాషా చూడటం కంటే, ఊళ్ళోనే ఉండి ఈ యుద్ధం చేయాలని నిర్ణయించుకుంది. మిథున ఈసారి ఒంటరిగా రాలేదు, ఈ భయంకరమైన నిజం వెనుక ఎవరున్నారో తేల్చడానికి తన భర్తతో కలిసి నేరుగా మోటుపల్లికి  వచ్చింది. కానీ, ఆమె అడవిలోకి అడుగు పెట్టగానే అక్కడ కనిపించిన దృశ్యం చూసి ఆమె గుండె ఆగిపోయినంత పనైంది.

మోటుపల్లి దట్టమైన అడవి నుండి దాదాపు 10,000 విలువైన టేకు చెట్లను (Sagavan Trees) నిలువునా నరికేసి ఉన్నారు. కానీ అన్నిటికంటే భయంకరమైన విషయం మరొకటి ఉంది. అడవి ఒక మూలన ఎన్నో అడవి పందుల చర్మాలు వలిచేసి పడేసి ఉన్నాయి. మిథునకు ఏమీ అర్థం కాలేదు. అడవి చెట్లను నరకడం అంటే కలప కోసం అనుకోవచ్చు, కానీ పందుల చర్మం వలిచేసి వాటిని తీసుకుపోవడం వెనుక ఉన్న మతలబు ఏంటి? ఈ మాయాజాలం ఆమె బుర్రకెక్కడం లేదు. ఏమి తోచక అయోమయో స్థితిలో ఉండిపోయింది కాసేపు

ఆమె చట్టంపై ఆఖరి నమ్మకంతో ఈసారి మరో రెండు లేఖలు రాసింది. ఈ విన్నప పత్రాలను నేరుగా జిల్లా కలెక్టర్ మరియు ప్రతిపక్ష (Opposition) ఎమ్మెల్యేకి పంపాలని నిర్ణయించుకున్నది. మళ్ళీ అదే పెద్ద మనిషి, అదే 10 మంది గ్రామస్తులు ఆశతో ఆ లేఖలను తీసుకుని కలెక్టర్ ఆఫీస్ మరియు ప్రతిపక్ష ఎమ్మెల్యే దగ్గరకు వెళ్ళారు, కానీ అక్కడ కూడా వారి మాట ఎవరు వినలేదు. సిట్టింగ్ ఎమ్మెల్యే తివారీ తన రాజకీయ బలంతో, గుండాల అండతో కలెక్టర్ నుండి ప్రతిపక్ష నేత వరకు అందరి నోళ్లు ముందే నొక్కేశాడని వారికి అర్థమైంది. తివారి బలం ముందు అందరూ తలలు ఆడించక తప్పలేదు

2. తండ్రి - కలవడం మరియు నిజం తెలియడం

వ్యవస్థ తలుపులన్నీ మూసుకుపోవడంతో గ్రామస్తులంతా తీవ్ర నిరాశలో మునిగిపోయారు. అయితే, అసలు తుఫాను మిథున ఇంట్లోనే మొదలైంది. ఇదంతా గమనిస్తున్న మిథున ముసలి తండ్రి ఆమె దగ్గరకు వచ్చారు. ఆయన కళ్ళల్లో ఎన్నో ఏళ్ల నాటి తపన, బాధ స్పష్టంగా కనిపిస్తున్నాయి. ఆయన మిథున భుజంపై చెయ్యి వేసి బాధాకరమైన గొంతుతో ఇలా అన్నారు:

తండ్రి: "మిథున... నువ్వు నా కూతురు మిథునవే అని నాకు బాగా తెలుసు. నా నుండి ఇక దాచకు. నేను ఇన్ని రోజులుగా నిన్ను ఏమీ అడగలేదు, కానీ ఏ తండ్రైనా తన బిడ్డను ఏ రూపంలో ఉన్నా గుర్తుపట్టగలడు... నాకు అంతా తెలుసు తల్లి."నువ్వే నా కూతురు మిధునవ్వి నాకు తెలుసు

ఆ మాట వినగానే మిథున గుండె కరిగిపోయింది. ఆమె తన తండ్రిని గట్టిగా కౌగిలించుకుని బావురుమని కన్నులు మున్నిలైంది.

Midhuna (ఏడుస్తూ): "అవును నాన్న... నన్ను క్షమించండి. నేను సరైన సమయం కోసం ఎదురుచూస్తున్నాను. ప్రస్తుతానికి అంతా ఇలాగే సాగనివ్వండి. మొదట మనం మన మోటుపల్లి అడవిని, మన ఊరి జనాలను ఈ ఘోర విపత్తు నుండి కాపాడుకోవాలి..."

తండ్రీకూతుళ్లు ఇద్దరూ చాలా సేపు ఒకరినొకరు పట్టుకుని ఏడ్చారు. ఎన్నో ఏళ్లుగా గుండెల్లో దాచుకున్న బాధ కన్నీళ్ల రూపంలో కొట్టుకుపోయింది. ఆ తర్వాత తండ్రి తన  చేతితో కళ్ళు తుడుచుకుని, మిథున కన్నీళ్లు కూడా తుడుస్తూ ఇలా అన్నారు:

తండ్రి: "ఇక కళ్ళు తుడుచుకో మిథున. ఏడవడం ఆపేయ్. నీ ముందున్న కర్తవ్యం చాలా కఠినమైనది, నువ్వు చాలా పెద్ద పోరాటం చేయాల్సి ఉంది." నువ్వు పోరాడాలి ఇకపై చాలా గొప్ప పోరాటం ఇది ఈ పోరాటం మన అడవి మన ఊరి కోసం 

Midhuna: "అవును నాన్న, నేను వెనక్కి తగ్గను. నా కర్తవ్యాన్ని నేను ఎప్పుడూ పాటిస్తూనే ఉన్నాను, చివరి శ్వాస వరకు పోరాడుతాను."

ఇప్పుడు మిథునకి తన కుటుంబం అండ దొరికింది, పుట్టినిల్లు తోడైంది, ఊరంతా అండగా నిలిచింది. మిథున ఈ ముళ్ల బాటలో ఇప్పుడు ఒంటరిది కాదు. తనతో ఇప్పుడ అందరూ ఉన్నారు

3.విచ్చుకున్న ఆకాశం కింద మరియు తెల్లవారుజామున ఒక సంకల్పం

రాత్రి అందరూ భోజనం చేసి తమ ఇళ్ల నుండి బయటకు వచ్చారు. నల్లటి ఆకాశం కింద, చల్లటి అడవి గాలుల మధ్య అందరూ తమ  (మంచాలు) ఒకే చోట వేసుకున్నారు. మోటుపల్లి గ్రామమంతా ఒకే ఒక్క పెద్ద కుటుంబంలా కలిసి కూర్చుంది. అందరూ ఒకరి సుఖదుఃఖాలను ఒకరు పంచుకుంటున్నారు. సరిగ్గా అదే సమయంలో మిథున లేచి నిలబడింది, ఆమె స్వరంలో ఒక లీడర్‌షిప్ గంభీరత ఉట్టిపడింది:

Midhuna: "వినండి గ్రామస్తులారా! మనకు సహాయం అందే ప్రతి దారీ మూసుకుపోయింది. అధికారులు, చట్టం అంతా అమ్ముడుపోయారు. మన ఊరు, మన అడవి, ఇక్కడి మూగ జంతువులు ఇప్పుడు తీవ్రమైన ప్రమాదంలో ఉన్నాయి."ఇకపై మనకు మనమే తోడు మనక మనమే నీడ మనకంటూ ఒక వచ్చేవాళ్ళు ఎవరు లేరు

గ్రామస్తులు: "ఇప్పుడు మనం ఏం చేయాలి మిథున? నువ్వే చెప్పు, నువ్వు చదువుకున్నదానివి. నువ్వు ఎలా చెప్తే అలా చేస్తాం, నీ మాటే వింటాం."

Midhuna: "చూడండి, మనకు ఏ వ్యవస్థతోనూ శత్రుత్వం లేదు, ఏ రాజకీయాలతోనూ పని లేదు. మనకు కావాల్సిందల్లా మన అడవిని, మన గ్రామాన్ని కాపాడుకోవడం. ఇదే స్వచ్ఛమైన గాలి కింద మన ఊరిలో ప్రశాంతంగా జీవించడం. ఈ నేల మన ముత్తాతల నాటిది, ఇది మనది, దీనిపై మనకు మాత్రమే హక్కు ఉంది! మనం ప్రకృతి బిడ్డలం, ఈ అడవి మన తల్లి... మన కళ్ల ముందే మన తల్లి ప్రాణాలు పోతుంటే మనం చూస్తూ ఊరుకోలేం! ఇక ఈ మూగ జంతువులు... ఇవి పరాయివి కావు, శతాబ్దాలుగా మన కుటుంబంలో భాగమే. మనం ఎప్పుడూ వీటిని కాపాడుకుంటూనే వచ్చాం, ఇకముందూ కూడా కాపాడుకుంటాం. ఒకవేళ ఈ అడవి నశించిపోతే, నగరాల వాళ్లకు ఆక్సిజన్ కరువై చచ్చిపోతారు!"

గ్రామస్తులు: "నువ్వు చెప్పిన మాట ముమ్మాటికి నిజం మిథున."

Midhuna: "మానవ జాతి మనుగడ సాగించాలంటే, మనం ఎలాగైనా ఈ అడవిని కాపాడుకోవాల్సిందే!"

అదే రాత్రి, తెల్లవారుజామున సరిగ్గా 4 గంటలకు ఊరిలోని పురాతన అమ్మవారి గుడిలో ఒక ప్రత్యేక పూజ నిర్వహించారు. పూజ ముగిసిన తర్వాత, మిథున మరియు గ్రామస్తులంతా కలిసి గుడి యొక్క ఒక పవిత్రమైన గోడపై బొగ్గు మరియు సిందూరంతో అత్యంత భావోద్వేగమైన ఒక విన్నపాన్ని ఇలా రాశారు:

"హే అడవి తల్లి! మేము ఏ మూగ జీవిని బలి ఇవ్వము, మేము ఎలాంటి హింస చేయము. ఈ పవిత్రమైన అడవిని వినాశనం నుండి కాపాడే శక్తి మాకు ప్రసాదించమని మాత్రమే ఈ గోడపై మా మ్రొక్కుబడిని రాస్తున్నాము. నీ ఆశీస్సులు ఎల్లప్పుడూ మా తలపై ఉంటే చాలు తల్లి." ఎలాగైనా సరే ఈ ప్రకృతిని మూగ జీవాలనీ కాపాడుకుంటాం తల్లి మమ్మల్ని ఆశీర్వదించూ

4. ప్రకృతి మహా న్యాయం - మోటుపల్లి విజయం

మరుసటి రోజు ఉదయం ఎప్పటిలాగే ఆ కలప దొంగలు, స్మగ్లర్లు అడవిని నరకడానికి వచ్చినప్పుడు, పాచిక రివర్స్ అయిందని వారు ఊహించలేదు. గ్రామస్తులంతా ఏకతాటిపై అడవిలో ఎదురు నిలిచారు. గ్రామస్తులు ఎలాంటి గొడవలు, హింస చేయకుండా ఆ దొంగలందరినీ నలువైపులా చుట్టుముట్టి బంధించారు. వారిని కట్టిపడేసి— "అసలు ఈ కథ ఏంటి? దీని వెనుక ఉన్న పెద్ద తలకాయ ఎవరు?" అని గంభీరంగా ప్రశ్నించగా, భయంతో ఆ స్మగ్లర్లు కక్కిన నిజం అందరినీ షాక్‌కు గురిచేసింది.

ఈ అడవి పందుల మాంసాన్ని, టేకు కలపను నగరంలోని ఒక పెద్ద బిజినెస్ టైకూన్ (Business Tycoon) కి పంపుతున్నామని వారు ఒప్పుకున్నారు. ఆ రెండిటినీ కలిపి ఒక ప్రమాదకరమైన సీక్రెట్ ఎక్స్‌పెరిమెంట్ చేస్తున్నారట. మనుషులకు ముసలితనం రాకుండా ఆపి, ఎల్లప్పుడూ యవ్వనంగా ఉంచే ఒక మందును తయారు చేయడానికి ఈ ప్రయోగాలు జరుగుతున్నాయి! శతకోటీశ్వరుల అమరత్వపు స్వార్థానికి ఈ మోటుపల్లి అడవి బలైపోతోంది.

కానీ మిథున ఈసారి పూర్తి ప్లానింగ్‌తో వచ్చింది. ఆమె అంతకుముందే రహస్యంగా అడవిలో అమర్చిన అడ్వాన్స్డ్ డ్రోన్ కెమెరాలను (Drone Cameras) హై-టెక్ సర్వర్లతో అనుసంధానం చేసి, ఆ దొంగల నేర అంగీకారాన్ని, నరికిన చెట్లను, పందుల శవాలను ప్రపంచవ్యాప్తంగా LIVE టెలికాస్ట్ చేసింది! ఆ లైవ్ ఫీడ్ కాస్తా క్షణాల్లో దేశ అత్యున్నత న్యాయస్థానం (సుప్రీం కోర్ట్) వరకు చేరింది.

మిథున కెమెరా ముందుకు వచ్చి గర్జిస్తూ ఆ బిస్నెస్ tycoon నీ ఇలా నిలదీసింది:

Midhuna: "ముసలివాళ్లను యవ్వనంగా మార్చడానికి మీరెవరు? ప్రకృతిని నిలువునా పూడ్చేసి, మూగజీవులను బలితీసుకుని ఆ ధనవంతులకు యవ్వనాన్ని ఇస్తే ఏం సాధిస్తారు? అసలు ఈ ప్రకృతే చచ్చిపోతే మీ నకిలీ యవ్వనం, ఆ డబ్బు ఏంచేసుకుంటారు? రేపు శ్వాస తీసుకోవడానికి కూడా మందులు తయారు చేస్తారా? ఆకలి తీరడానికి కెమికల్ మాత్రలు కనిపెడతారా? దేవుడి సృష్టిని సవాలు చేయడానికి మీరెవరు? మాకు న్యాయం కావాలి!"

ఈ భయంకరమైన నిజం దేశాన్ని ఉలిక్కిపడేలా చేసింది. ఒత్తిడి తట్టుకోలేక స్వయంగా న్యాయస్థానమే మోటుపల్లి అడవులకు చేరుకుంది. నిన్నటివరకు అహంకారంతో ఊగిపోయిన ఎమ్మెల్యే తివారీ మోకాళ్లపై నిలబడి మోటుపల్లికి రాక తప్పలేదు. కోర్టు నుండి చారిత్రాత్మక తీర్పు వచ్చింది— అటవీ సంరక్షణ చట్టం ప్రకారం అడవి నరికివేతను వెంటనే ఆపాలని, ఆ బిజినెస్ టైకూన్ లైసెన్సులన్నీ రద్దు చేసి కఠినమైన శిక్ష విధించాలని ఆదేశించింది. ఆ శిక్ష చూసి భవిష్యత్తులో ప్రకృతికి విరుద్ధంగా వెళ్లాలంటే ఎవరైనా సరే వెయ్యి సార్లు వణకాల్సిందే.

నిన్న ఏ కలెక్టర్, ఏ ఎమ్మెల్యే అయితే గ్రామస్తుల అర్జీని డస్ట్ బిన్‌లో వేశారో, ఈ రోజు అదే అధికారులు ప్రభుత్వ ఆదేశాల ప్రకారం మోటుపల్లిలో సొంత చేతులతో పక్కా రోడ్లు వేయడం ప్రారంభించారు. ప్రభుత్వం అడవి చుట్టూ ఫెన్సింగ్ వేసింది, గ్రామస్తులకు పక్కా ఇళ్లు నిర్మించింది, ఊరిలోనే ఆసుపత్రి, పోలీస్ స్టేషన్ మరియు ఫారెస్ట్ ఆఫీసులను ఏర్పాటు చేసింది. అన్నిటికంటే పెద్ద విప్లవాత్మక మార్పు ఏంటంటే... మోటుపల్లిలోని ప్రతి ఇంటి నుండి ఒక యువకుడికి తమ ఊరిలోనే ఉంటూ వ్యవసాయం, అడవిని సంరక్షించే బాధ్యతను అప్పజెప్పి, దానికి ప్రభుత్వమే సొంతంగా గవర్నమెంట్ శాలరీ (Government Salary) ఇవ్వడం ప్రారంభించింది!

ఇప్పుడు మోటుపల్లి ప్రజలకు బాగా తెలుసు... తమ అడవి రాణిని ఏ దేవుడో పైకి తీసుకెళ్లలేదు, ఆమె ఎక్కడికీ మాయం కాలేదు, సాక్షాత్తూ తమ మధ్యే ఉండి తమను కాపాడుతోందని!

Thank you, Mithuna for this change!

ఇవే నా దేశపు అడవులు, ఇవి ప్రపంచానికే స్వచ్ఛమైన శ్వాసను ఇస్తాయి!

© Copyright yesudas all rights reserved